MATHI 220- 244

 ĨKALAA KĨTHŨINĨ KYA YESŨ (Lean on his arm) 1. Ĩkalaa kĩthũinĩ kya Yesũ; Akakũtethasya myũnthĩ yonthe; Na ethwa ũkamwĩthukĩĩsya Akakũtanĩthya.  Ũka kwa Yesũ mwĩtĩkĩle yu Ũka kwa Yesũ wone wĩkwatyo,  Ũka kwa Yesũ ũthũmũe vyũ O yĩla wĩ vava nthĩ.  2. Ĩkalaa kĩthũinĩ kya Yesũ: Akakwonya nesa nzĩa yaku,  Ndeto syake ikeethw’a taa kwaku,  Wa ũkũmulĩkaa.  3. Ĩkalaa kĩthũinĩ kya Yesũ,  Na naĩ syaku syonthe ithew’e vyũ,  Nthĩnĩ wake ve ũtethyo w’onthe: Ũmwĩtĩkĩle yu.  (Amen)

 MŨKELAN'YONĨ WA YESŨ (Nearer the cross) 1. Mũkelan'yonĩ wa Yesũ, nĩngũthengeea nyie,  Kĩla mũthenya nthengee, ngelanyonĩ ya Yesũ,  Yesũ angw'ĩĩe mũtĩnĩ, nthakame yauma mbaunĩ,  Vakuvĩ mbaunĩ sya Yesũ, nĩngũthengeea nyie,  Nĩngũthengeea nyie 2. Kĩvĩlanĩ kya uekeo kĩla ũmũnthĩ nthengeee,  Lĩu wa thayũ wĩ kwa Yesũ, kwake nĩnthengeee nyie,  Kwa mũĩkĩĩo nĩngwona, Yesũ ũla wangw'ĩĩe nyie,  Vakuvĩ nake ngekalaa vakuvĩ na Yesũ,  Vakuvĩ na Yesũ 3. Nĩngũmũvoya Mwĩaĩi nĩthengee vakuvĩ,  Ngoo yakwa yĩna waũni, ũsĩ wa thayũ nĩwe,  Mathĩna makwa nĩ kũũ nthĩ, makaalyũlwa nĩtane vyũ,  Vakuvĩ ngeekĩa ngovia yake ya ũsumbĩ,  Navika ĩtunĩ.  4. Yesũ Mwĩaĩi nthengeesya, nume nainĩ nũke,  Vakuvĩ naku Mwĩaĩi nĩkue ngelany’o,  Nenga kwĩw’a wasya waku , nĩkalae ngwĩkwatĩtye,  Nĩkana wambĩta nũke , ũsumbĩnĩ waku,  Ũsumbĩnĩ waku.  (Amen)

 MYAKA MINGĨ NAAISYE NA WAI (Years I spend in vanity) 1. Myaka mingĩ naaisye na wai,  Ndyaĩ an ũndũ na ũvoo wa Ngai,  Ndyaamanya ũndũ watũkw'ĩĩe,  Kũu kaivalĩ.  Tei na wendo nĩwatwonisye,  Naĩ na wathe nĩwatumisye,  Ngai na andũ nĩmakomanie,  Kũu kaivalĩ.  2. Yu nĩnĩsĩ naĩ mũthũku vyũ,  Yu nĩkwetye ndeto ii sya Ngai,  Yu nĩnonete nthembo ya naĩ,  Kũu kaivalĩ.  3. Ngoonĩ nĩngũmũĩkĩĩa Yesũ,  Nake nĩ mũsumbĩ wakwa vyũ,  Mbathi syakwa nĩsyo isu tũ,  Sya kaivalĩ.  4. Ũũ nĩ wendo watũtangĩĩe; Tei nĩw’o wamũetie kũũ,  Ngai nĩwaingie ĩtw’ĩku,  Kũu kaivalĩ.  (Amen)

 MOTANU NĨMETĨKAA TA ŨSĨ (Blessed quietness) 1. Motanu nĩmetĩkaa ta ũsĩ,  Kuma nyie natangĩĩwa Tene w’onthe ekalaa naitũ; Ngoonĩ nĩvo ve ũthũmũo.  Maũathimo mauu na maseo; Thayũnĩ ve wĩkwatyo,  Matatwa onthe we nũmbonasya: Ũndũ ndonya kũsinda.  2. Nũnengae thayũ vinya na ũtanu,  Na mosumbĩ ma ĩtu,  Veva mũvuku voo nũvetaa,  Nũnengae ũthũmũo.  3. O ta mbua kuma ĩũlũ; Na ta kyeni kya syũa,  Veva mũtheũ tũnengawe,  Akyuma ĩũlũ ĩtunĩ.  4. Matunda nĩmeanĩte nesa Maseo na maathime,  Mbũsĩ sya thayũ nĩsyusũĩte,  Lika vo ũtangĩĩwe.  (Amen)

 NGENGELE SYĨ ĨTUNĨ (Ring the bells of heaven) 1. Ngengele syĩ ĩtunĩ ũtanu wĩkw’o,  Mwene naĩ akĩalyũla ngoo,  Asa aimũkomanĩa e kũasa vyũ,  Na kũthokya mwana mũthĩni Ndaĩa, ndaĩa, alaĩka meina ,  Ndaĩa, ndaĩa, mbeve ikina,  Na ala ovosye nĩ meũkatha,  Meina wathi wa ũtanu.  2. Ngengele syĩ ĩtunĩ ũtanu wĩkw'o,  Mwene naĩ amina kwovowa,  Ngoo nĩndangĩĩwe kuma naĩnĩ,  Na kũsyawa kana keũ katheu.  3. Ngengele sya ĩtunĩ nikũtavan'ya,  Alaĩka nĩmeũkatha,  Tavanya ũvoo kũasa nthĩ yonthe,  Mwana wĩ vata nũsyaiwe.  (Amen)

 TŨENDAA KWA MŨĨKĨĨO (Walk by faith) 1. Twĩna mũsyĩ wĩ ĩtunĩ,  Wĩna malaa nthĩnĩ wawo,  Tũkavika tũthũmũe,  Na Mũtangĩĩi myũnthĩ yonthe.  Tũmweteele Mwĩaĩi,  Nĩ mũĩthi wa ngoo sitũ,  Nĩtũkwona na mawoni,  Evakuvĩ nĩwũkĩte.  2. Twavika kw'o nĩtũkonw'a,  Mawĩkalo ala maw’o,  Na Mwĩaĩi akatwosa,  Atwĩkalye vamwe nake.  3. Tũendei na mũĩkĩĩo,  Nthĩnĩ wake ve mũuo,  Tũkeethĩwa twĩna wendo,  Wakũmwenda Ngai waitũ.  4. Twĩkalei na mũĩkĩĩo,  Mwĩaĩi Yesũ akooka kũũ,  Akatwosa atũtwae,  Mũsyĩ mũtheu wĩna kyeni (Amen)

   NGAI Nĩ WENDO (God is love) 1. Ngai nĩ wendo na ena tei mũnene mũno,  Nzĩanĩ syonthe kũla ithyĩ tũendelaa,  We ena kyeni kya ũtũmulĩkĩla kwonthe,  Ngai nĩ wendo na ena tei mũnene vyũ.  Ngai nĩwe kyeni na Ngai nĩ wendo,  Nĩtũmulĩkaa tũtikasye nzĩa yake.  2. Mavinda onthe o na myaka nĩkũthela vyũ,  Andũ masyaawa makĩana na makĩkũa,  Ĩndĩ wendo wake o na tei itikathela,  Ngai nĩ wendo na e na tei mũnene.  3. O na kwĩ na kĩvindu kĩnene kũũ nthĩ yonthe,  Ũtheu wake o na wendo ndũnyivaa,  Ũtheu wake nĩmũtisu kũvĩta ndata,  Ngai nĩ wendo na e na tei mũnene vyũ.  4. Yĩla kwĩ syũa o na yĩla kwĩ mbevo mũno,  Yĩla kwĩ kyeni o na yĩla kwĩ na kĩvindu,  Sisya wendo wa Ngai ũndũ wĩkaa kwaku; Ngai nĩ wendo na e na tei mũnene vyũ.  (Amen)

 TANAI ALA TWĨ MA MWĨAĨI (Rejoice in the Lord) 1. Tanai ala twĩ ma Mwĩaĩi,  Ala ithyĩ twatangĩĩwe,  Nĩwatũnyuvie ithyĩ,  Nĩtũkweteele Mwĩaĩi.  Tanai tanai,  Tanai ala twĩ ma Mwĩaĩi,  Tanai tanai,  Tanai ala twĩ ma Mwĩaĩi.  2. Matatwa maingĩ matulya,  Voyai Ngai mwene vinya ; Nake akatũsũvĩaa,  Tũikalingiswe nĩ mĩisyo.  3. Tanai ala twĩ ma Mwĩaĩi,  Tũmwinĩe mbathi nzeo,  Tũkĩlye mawasya maseo; Tũkyasya mumo alelũya.  (Amen)

 MŨIKETHĨWE NA KYEVA (Do not be troubled) 1. Mũikethĩwe na kyeva, mũikethĩwe na thĩna,  Mũĩkĩĩei Ngai Asa na mũindĩkĩĩa nyie  X 2 Mũsyĩ(kwa Asa) kwĩna(mawĩkalo) Na mwĩthing'ĩĩsyei kũvoya Mũsyĩ kwa Asa kwĩna mawĩkalo Na mwĩthing'ĩĩsyei kũvoya Na mawĩkalo nakethwa tivo maĩ Nĩthwa naneenie Nayu nĩnathi kũmaseũvya,  Nakwa namima ngooka kũmwĩsĩa.  2. Thoma nĩwakũlilye, Mwĩaĩi ithyĩ tũtyĩsĩ,  Kũla we wĩthi twĩsĩ nzĩa ata? X 2 3. Nayu ninyie nzĩa , na thayũ ũtathela,  Vai ũkaa kwa Asa atesĩle kwakwa X 2 4. Ethwa nĩmũmbendaa, Asa nake akamũne,  Mũtetheesya ũngĩ ekalae nenyu X 2 5. Yĩla we wĩũka ũsu Veva mũtheu,  Akamũlilikan’ya maũndũ onthe. X 2 Nĩngwenda onthe mamanye w’onthe ũla nĩkaa,  Nĩnengetwe nĩ asa ũkĩlai tũthi X 2 (Amen)

 WAĨ MŨTHENYA WAĨ ŨTANU (Give Him the glory) 1. Waĩ mũthenya waĩ ũtanu,  Ũla namwosie Yesũ,  Ngoo yakwa yethwa na mũuo,  Naĩ syakwa syathew'a vyũ,   Nĩtavan'ye ũvoo wake,  Wa mumo wake mwingĩ Nĩmũnenge ndaĩa na ũkatho,  Kwondũ wa wendo wake 2. Nekalile maũũnĩ make,  Vala noonie ũthũmũo,  Ngoo yakwa yakanw’a kyeni,  Neethwa na ũthũmũo 3. Nĩvo vau maũũnĩ ma Yesũ; Namwonisye naĩ syakwa.  Nake anthesya mothũkũ; Na noosa ũtangĩĩo (Amen)

 MAWĨA MA NGAI (I know) 1. Mawĩa ma Ngai ũ wĩ ĩtunĩ,  Yu nditonya kũmamanya,  Ona kau nyie ndimathasya.  Ĩndĩ nĩnĩsĩ nĩ waw’o O na nthĩ yonthe yalea,  Nyie nĩnĩsĩ nĩndangĩĩwe.  Nditonya kũkũtavya vyũ,  Ĩndĩ nĩnĩsĩ kũvũthũ,  Ũla ngwasya yu no atĩĩ,  Nĩũngeme ĩvianĩ 2. Nĩnĩsĩ Yesũ e thayũ,  Na nĩnĩsĩ nũtangĩĩaa,  Nĩnĩsĩ nyie naĩ mũkw’ũ,  Nayu nĩnĩsĩ nĩ thayũ,  Ona nthĩ yonthe yalea,  Nyie nĩnĩsĩ yu e thayũ.  3. kĩvĩndu kyamwona Yesũ,  Nĩkĩkĩaa kũkathea,  Nĩnĩsĩ naĩ kĩlalinda,  Nayu nĩnĩsĩ nĩngamwona,  O na nthĩ yonthe yalea,  Nyie nĩnĩsĩ nĩngamwona 4. Nĩna mũsyĩ wĩ ĩtunĩ,  Nawo ndwakĩtwe na moko,  Nĩnĩsĩ ngathi kũu ĩtunĩ,  Ngekale kũu mũsyĩ ũsu,  O na nthĩ yonthe yalea,  Nyie nĩnĩsĩ nĩna mũsyĩ.  (Amen)

 KWONDŨ WA MŨTANGĨĨI (murmuring stream) 1. Kwondũ wa Mũtangĩĩi Yesũ,  Nĩnoosie ũtangĩĩo,  Nine wathi wa ũtanu,  Nĩndangĩĩwe nĩwe.  Itulumo sya ũkanga,  Nĩnzesewe nĩwe,  Itulumo nĩnzesewe,  Yu nĩina na mũyo.   2. Nĩ nthĩ nzeo yĩna mũuo mwingĩ,  Nĩ ũtanu nĩngathi kw’o,  Nĩtũnengetwe mĩthĩnzĩo mingĩ; Nĩna ũtanu mwingĩ.  3. Kũndũ kwonthe kwĩna ũtangĩĩo,  Ũtangĩĩo wa wovosyo; Tavanya ũtangĩĩo kũkũ nthĩ,  Ũtangĩĩo waw’o 4. Ithyĩ twĩ syana sya Mwĩaĩi Yesũ,  Nĩ tũkwina na ũtanu; Wendo wusũĩte ngoonĩ sitũ,  Nĩtũkwina na ũtanu.  (Amen)

YESŨ NĨWE WĨVITHO (Rock of ages cleft for me) 1. Yesũ nĩwe wĩvitho waw'o wa ene naĩ,  Mbosa Yesũ nyie ũmbithe nyie nthakamenĩ yaku; Nthakame yaku nĩyo ĩtonya kũthesya naĩ,  Ĩla yetĩkie kuma mbaunĩ syaku: Nĩyo ĩtonya kũthesya naĩ ii syakwa syonthe.  Yĩ ũtonyi wa kũthesya naĩ syakwa vyũ 2. Nĩngũlilikana wovosyo wa Mũtangĩĩi,  Naĩ syakwa syaĩ nene ndavikĩte kwake,  Nakwa ndaĩ ndonya kũsyumya e nyie mwene; We e weka nowe nthembo ya naĩ syonthe Nyie ndĩna kĩndũ ngumya kana nĩthooe thayũ; No kũlĩsa ngelanyonĩ ya Mũtangĩĩi.  3. Nyie nĩkalĩte thayũ wa nthĩ wa thĩna oyũ,  Na nĩnĩsĩ kĩkwũ kyooka ngathi kũkoma,  Na nathayũka nyie ngathi kũu mũsyĩ kwake,  Nakwa nĩngamwona we vyũ mũsumbĩ wa asumbĩ,  We ũla wanthooie na nthakame ĩ yake,  Akanthokya na ũtanu mũnene mũno.  (Amen)  

 KŨNDŨ KWONTHE (Anywhere with Jesus) 1. Kũndũ kwonthe nyie nĩndonya kũendaa,  Kũla Yesũ ũndongoeasya nyie,  Ũtanu nũnyivaa yĩla nde nake,  O kũndũ nĩnake nĩnzeseawa,  Kũndũ kũũ nthĩ yaitũ ndikaemawa,  Nũndũ nyie nĩendanĩtye na Yesũ.  2. Kũndũ kwonthe nĩna Yesũ ndĩ nyioka,  Andũ makĩndia ekalaa nakwa,  O na akĩndongoesya thĩnanĩ; Nũndũ e nakwa nĩnĩtanĩthĩtwe.  3. Kũndũ kwonthe nĩ na Yesũ ndikĩaa,  Ngĩlingĩlwa nĩ kĩvindu kya kĩkwũ,  Nĩnĩsĩ ngaamũka kwa Mũtangĩĩi,  Ngekalĩthwa nĩ Yesũ mũsyĩ kwake.  (Amen)

 KYATHĨ KYA MBOYA KĨ MŨYO (Sweet hour of prayer) 1. Kyathĩ kya mboya kĩ mũyo,  Na nĩvo twonaa ũtethyo,  ĩĩ nĩvo tũmũmanyaa ngai,  Na kwĩw’a ũtonyi wake,  Mathĩna ma nthĩ na wia,  Tũtonya kũmũtwaĩĩa,  Na vinya wake na wendo,  Akatũnenga twĩ make 2. Andũ aingĩ ma Yesũ,  Nĩ onzu mũno, na ni ngya Nũndũ matikũvoya Ngai,  Tondũ waĩtye ndetonĩ,  Amanthĩte, ũthwii wake,  Na vĩnya wa kũũngama kuu,  Ĩndĩ endete a make,  Mamũvoye na ngoo syaw'o.  3. Veva mũtheu amanyĩsye Kũvoya nesa ũmũnthĩ,  Nĩ na mavata maingĩ,  Makwa na ma anyanyawa,  Andũ aingĩ ĩĩ, mũno,  Nĩmaĩe mothũkunĩ,  Nĩngwenda maume oyu,  Ũkombonĩ wa satani 4. Nenga vinya na ũkũmbaũ,  Nĩvoye na ngoo yonthe vyũ Ngwĩkwatya watho wa Yesũ,  Ngai, ũkambĩw'a nĩ wakũ,  Na thayũ kũũ nthĩ wathela,  Navika kwaku ĩtunĩ,  Nĩngũkũtaĩa muno mbee,  Na kũũkathaa Mwĩaĩi.  (Amen)

 NGAI E VAA (God is here) 1. Ngai evaa na nũnũkwenda Kũtũathima ithyĩ,  Kyathĩ kĩĩ nĩtũkũvoya,  Ũtũtethye ithyonthe.  Tũathime, nĩtũvoya Ĩĩ asa tũathime,  Nĩtweteele, nĩtũkwenda ũtũvuũkye ithyonthe.  2. Ngai e vaa nĩtũũthengeea,  Andũ athe tũvoye; Twakomana tũmwĩsũve Tũtethew’e oyu tũĩ.  3. Ngai e vaa nĩtũĩtĩkĩla; Nĩtũũete ngoo sitũ,  Kana yu i ngoo ithewe N’ĩla ndeto tweew’a yu.  4. Asa mwene vinya wonthe,  Nĩtũũtulya ndu sitũ Tũnenevye syĩtwa yaku,  Tũkĩathimwa nue.  (Amen)

 YESŨ MŨTANGĨĨI WA ANDŨ (Pass me not) 1. Yesũ Mũtangĩĩi wa andũ,  Ningũkũvoya,  Ũkimeka angĩ nesa,  Ndũkandwĩkĩsye.  Yesũ ndethya,  Ngoo ĩvingũwe,  Ũkĩmaathima andũ angĩ,  Ndũkandw'ĩkĩsye.   2. Mwĩaĩi Yesũ ũkĩmantha,  Ala me na nzaa,  Ũka vaa vakuvĩ nakwa,  Nyie nĩ mũndũ ngya.  3. Mwĩaĩi Yesũ wĩ mũnene,  Vai ũngĩ taku; Thayũ na maũndũ onthe,  Nĩwanengie.  4. Mathĩna ala nĩ namo,  O na matatwa; Mwĩaĩi ũnzũvĩe kwamo,  Nue Mũtangĩĩi.  (Amen)

 AME ASA (Loving father hear me) 1. Ame Asa mbĩthukĩĩsya Mboya syakwa, na ũkayo; Ndi na vinya, nĩ mũvũthũ,  Nĩna vata naku mũno.  2. Ame Asa, nenga kwĩw’a Wasya waku ngoonĩ yakwa; Ngindĩlĩla kwenda kwaku,  Noindethya kwĩkwe nesa.  3. Ame Asa, nenga kwona,  Ũndũ matho maeleete; Mbũĩvya ndetonĩ syaku,  Nĩmatethye ala angĩ.  4. Ame Asa, tethya wĩa Ngoonĩ yakwa myũnthĩ yonthe,  Kana Yesũ anenevw’e Maũndũnĩ makwa onthe.  5. Ame Asa ndilikanya Wĩ vakuvĩ myũnthĩ yonthe Ndikakuswe nĩ ũthũku,  Ĩndĩ nĩthĩwe na mũuo.  6. Ame Asa, ndongoesya,  Ngwata kw'oko, ndwaa kavola,  Na ũeni ũũ wathela,  Mbĩkya kwaku ame Asa.  (Amen)

 SALUKYA METHO MAKWA (open my eyes that i may see) 1. Salukya metho makwa yu None ũvoo ũla waku,  Na mbũĩvya ndetonĩ syaku Nĩmanye vyũ kwenda kwaku Yu nĩvindĩtye mbee waku,  Neena nakwa ngoonĩ yakwa ,  Salukya metho makwa yu,  Veva mũtheu 2. Nenga kwĩw’a wasya waku,  Vindĩthya mawasya angĩ Ndeto syaku , ĩĩ nĩsyo sya w’o,  Na nĩsyo nendete mũno.  3. Ndonyethya mwĩaĩi wakwa,  Kwona ũtheu waku yu,  Nĩmanye vyũ vati na ũngĩ,  Wa kũndongoesya taku.  (Amen)

 NGAI E ĨTUNĨ NŨKEW’A (God is in heaven) 1. Ngai e ĩtunĩ nũkew’a Mboya nini syakwa.  Ĩĩ nũkew’a ndikakĩe,  Nũkũmbĩthukĩĩsya.  2. Ngai e ĩtunĩ nũkwona,  ĩla ngwĩka naĩ,  Ĩĩ nũkwona, na kũnzisya,  O matukũ onthe.  3. Ngai e ĩtunĩ nũkwona,  Ngĩneena ũvũngũ? ĩĩ ona ngĩneena mbola,  Nũkew’a e ĩtunĩ.  4. Ngai e ĩtunĩ, nũmbĩsĩ,  Na nũmbĩkaa nesa? ĩĩ ila nĩnasyo syonthe,  Nĩ Ngai ũnũnenga.  5. Ngai e ĩtunĩ nĩvoye,  Nĩvike vo nakwa? ĩĩ mwende na mũthenya ũmwe,  Nũkakwĩta kwake.  (Amen)

 NĨNGŨKŨVOYA MWOVOSYA (Hear and answer prayer) 1. Nĩngũkũvoya Mwovosya,  Nĩthĩwe ndilyĩ taku,  Nĩngũvoya veva waku Ekalae ngoonĩ yakwa.  We nĩwĩsĩ wonzu wakwa,  Na wĩ ũsũvĩo wakwa,  Ngĩka kwenda kwaku kwonthe,  Nzũngĩaa mboya syakwa.  2. Nĩngũkũvoya Mwovosya,  Na mũĩkĩĩo waw’o Nĩwone ũsumbĩ waku,  Ona kweethwa ũtukũ.   3. Nĩngũvoya nusũw’e nĩ,  Vinya wa mumo waku,  Mbwĩka na mũuo waku ũtonyinĩ waku Ngai.  4. Nĩngũkũvoya Mwovosya,  Mboya syakwa syĩthwe ũu,  Ngũthũkũme naw’o wonthe,  Ngethwa ndilyĩ taku Ngai.  (Amen)

 AME YESŨ MBĨTHUKĨĨSYA (Take me as i am) 1. Ame Yesũ mbĩthukĩĩsya,  Nĩngũkwĩkaĩla ũmũnthĩ; ũtangĩĩo ũnthengeesye,  O ũu nĩilyĩ mbosa O ũu nĩilyĩ mbosa  Mwovosya wakwa angw'ĩĩe nyie O ũu nĩilyĩ mbosa.  2. Nĩna naĩ ndina ũseo,  Nthakame yaku nĩnthambye,  Ona nĩ mũthũku mũno,  O ũu nĩilyĩ mbosa.  3. Maũndũ ma ũtangĩĩo Kũmamanya nĩngwenda nyie,  Nakwa nĩ vakuvĩ naku,  O ũu nĩilyĩ mbosa.  4. O yĩla wĩenda kũndũma,  ũndũme wĩanĩ waku,  Nũndũ nyie nĩ kana kaku,  O ũu nĩilyĩ mbosa.  5. ũkyenda kũndũma nyĩe yu,  Mbusũsya wendo waku vyũ,  Wĩthwe nthĩnĩ wa ngoo yakwa,  O ũu nĩilyĩ mbosa.  6. Kaũ ũũ wamina kũthela,  ĩtina tũkooka kwaku,  O ũu nĩilyĩ nĩngwĩkaĩla O ũu nĩilyĩ mbosa.  (Amen)

 YESŨ MWENDWA WA NGOO YAKWA (Jesus beloved of my heart) 1. Yesũ mwendwa wa ngoo yakwa,  Nĩtũũkũvoya na ĩnee,  Kana ũtwĩte ku kwaku,  Twĩthwe na thayũ ũtathela.  ũtwĩte yu Mwĩaĩi waitũ,  Mũsyĩ waku mũtheu vyũ,  Tume kũũ nthĩ mathĩnanĩ,  Twĩkale kũu kwaku Mwĩaĩi.  2. ũndongoesye mathĩnanĩ,  Nũndũ nue wĩkwatyo wakwa,  Na nasisya ĩũlũ ĩtunĩ,  Nĩngwenda ngwone Mwĩaĩi.  3. Kwaku Mwĩaĩi kwĩ ũtanu Na nĩ kwanakavye mũno,  Thaavu na alaĩka mĩomonĩ,  Nĩngwenda nĩkwone Mwĩaĩi,  4. Nue kyeni kya ngoo yakwa,  Thayũ wakwa nĩ waku vyũ,  ũnzũvĩe mathĩnanĩ,  Nĩkyalonĩ kyakwa vaa nthĩ.  (Amen)

 NĨTWINEI ŨSENG’YO WA MATEI MA NGAI (Let us praise and adore) 1. Nĩtwinei ũseng’yo wa matei ma Ngai Ũndũ wa ũsũvĩo wake,  Tũmũkathei na kũmũtũngĩa mũvea,  Yĩla twakomana kũvoya.  Tũmũkathei mũno kwa ũseo wake,  Tũtavan’yei wendo wake,  Tũmũkathei na kũmũtũngĩa mũvea,  Yĩla twakomana kũvoya.  2. Twinei ũseng’yo wa mũthĩnzĩo wake,  ũla wawonanisye kwitũ,  Nĩwatũthembeie mwana wake Yesũ,  Twĩthwe ma ũsumbĩnĩ wake.  3. Tũvoyei mumo wake wĩkalae kwitũ,  Nzĩanĩ syonthe twone kyeni Na mũmĩnũkĩlyonĩ mathayũ maitũ Makethwa ũsumbĩnĩ wake.  (Amen)

 NDETO YAKU MWĨAĨI (Though whose almighty word) 1. Ndeto yaku Mwĩaĩi, nthĩnĩ wa kĩvindu,  Nĩyĩw’ĩke, twĩkũvoya nũndũ; Wa ũvoo mũseo kũl’ũtavikĩte,  Ete kyeni.  2. We nĩwaetie wovosyo mũnene,  Kwa andũ onthe ala maĩ thĩnanĩ; Nĩwamovoisye mbaĩnĩ syonthe kũũ nthi,  Ete kyeni.  3. Nake veva mũtheu nĩwokie kũũ nthĩ,  Ethwe ngũsĩ ĩũlũ wa nthĩ yonthe; Na kwa andũ onthe, nthĩ yĩ kĩvindunĩ,  Ete kyeni.  4. Ngai mwĩ atatũ mwĩ ũmwe ũtheunĩ,  Vinya waku ĩũlũ wa nthĩ yonthe Nũthyũlũlũkĩte nthĩnĩ wa nthĩ yonthe,  Ete kyeni.  (Amen)